Беларускі машыніст перавозіў кантрабанду ў цягніку (фота)
Польскія памежнікі выявілі кантрабандныя цыгарэты ў лакаматыве грузавога цягніка з Гродна.
Як паведамляе выданне Kurier poranny, кошт цыгарэтаў склаў 20 тысяч злотых (каля 6 тысяч долараў). Уладальнікамі кантрабанды аказаліся беларускі машыніст цягніка і яго памочнік. Цыгарэты былі канфіскаваныя, а беларусы пасля высвятлення акалічнасцяў адпушчаныя.
