Беларускі ўніверсітэт хоча атрымаць фінансаванне ад Еўрасаюза
Універсітэт у Беластоку мае намер за грошы Еўрапейскага саюза адкрыць Трансгранічны цэнтр дыялогу.
Новая ўстанова будзе адкрыта ў супрацоўніцтве з ўніверсітэтамі з Беларусі і Украіны. Аб гэтым паведамляе Kurier Poranny.
Гаворка хутчэй за ўсё ідзе пра Гродзенскі ўніверсітэт імя Янкі Купалы, з якім у беластоцкага ўніверсітэта партнёрскія стасункі. Усяго на цэнтр дыялогу з праграмы трансгранічнага супрацоўніцтва Польшча-Беларусь-Украіна плануецца атрымаць да 3,8 мільёна еўра.
Асноўнай мэтай Цэнтра будзе садзейнічанне трансгранічнаму супрацоўніцтву паміж трыма краінамі. Установа, напрыклад, будзе дапамагаць няўрадавым арганізацыям з памежных рэгіёнаў у рэалізацыі сумесных праектаў.
