Беларускія баскетбалісткі выйшлі на чэмпіянат Еўропы-2013
У сераду ў сталічным Палацы спорту жаночая зборная Беларусі перамагла каманду Украіны — 68:60 (19:12, 21:11, 9:16, 19:21).
Такім чынам, каманда пад кіраўніцтвам літоўскага спецыяліста Рымантаса Грыгаса заняла ў сваёй групе першае месца і будзе гуляць у наступным годзе на кантынентальным першынстве ў Францыі.
Самымі выніковымі ў нашай зборнай былі Насця Верамеенка — 20 ачкоў, Наталля Ануфрыенка — 16, Аляксандра Тарасава — 10.
У іншым сённяшнім паядынку Венгрыя перамагла Ізраіль — 73:66. Такім чынам, становішча ў нашай кваліфікацыйнай групе А наступнае:
Беларусь — 14 ачкоў (пасля 8 матчаў), Венгрыя — 12 (7), Украіна — 11 (7), Ізраіль — 10 (7), Партугалія — 7 (7).
