Беларускія навукоўцы ўдзельнічалі ў сімпозіуме па "Фукусіме"
Мэтай мерапрыемства было выкарыстанне досведу і ўрокаў ліквідацыі аварыі на Чарнобыльскай АЭС.
Сімпозіум праходзіў 4 лютага ў японскім горадзе Фукусіма, дзе амаль год таму, у сакавіку 2011 года здарылася сур’ёзная аварыя на АЭС “Фукусіма-1”. Разам з беларускімі навукоўцамі туды паехалі прадстаўнікі Украіны і Расіі, інфармуе РИА Новости.
На сімпозіуме былі прадстаўленыя вынікі даследаванняў па дэзактывацыі глебы, па ўплыве радыяцыі на здароўе жыхароў пацярпелых ад радыяцыі раёнаў. Адміністрацыі гораду Фукусіма распавяла аб працэсе дэзактывацыі 110 тысяч жылых дамоў горада.
