БХД прапануе Лукашэнку мірны сцэнар перадачы ўлады
Пра гэта заявіў сустаршыня аргкамітэту партыі і былы кандыдат у прэзідэнты Віталь Рымашэўскі.
На чацвёртым устаноўчым з’ездзе, які прайшоў 17 снежня ў Мінску, Рымашэўскі раскрыў сутнасць гэтага “мірнага сцэнара”. Ён прадугледжвае вызваленне палітычных зняволеных, правядзенне свабодных выбараў і фінансавую дапамогу ад Еўропы для выхаду з крызісу.
Таксама Рымашэўскі даў тлумачэнне свайму лісту, які ён напісаў з СІЗА КДБ Аляксандру Лукашэнку. Паводле яго словаў, гэта быў своеасаблівы кампраміс. Сілавікі такім чынам дабіваліся, каб кандыдат ад БХД назваў Лукашэнку прэзідэнтам, піша “Наша Ніва”.
