БНФ арганізоўвае кругласуткавую абарону сядзібы
Пастаянна дзяжурыць у офісе будуць 5-6 чалавек. Пра гэта ў эфіры Еўрарадыё паведаміў сакратар управы БНФ Сяржук Семянюк.
Семянюк: "Будзе арганізоўвацца абарона офісу — 31 сакавіка з вечара. Графік працы Ўправы крыху зменіцца. І ў нас будзе кругласуткавае вартаванне сядзібы, з прыцягненнем валанцёраў".
Па словах Семянюка, Партыя БНФ зрабіла публічны заклік да валанцёраў, актывістаў дэмакратычнага руху, гатовых бараніць Управу.
Нагадаем, што партыя БНФ мусіць вызваліць офіс на праспекце Машэрава, ад 1 красавіка. Такое рашэнне прыняло ЖРЭА Савецкага раёна сталіцы.
