Брамнік футбольнай зборнай Беларусі атрымаў сур'ёзную траўму
Галкіпер пецярбургскага "Зеніту" і зборнай Беларусі Юрый Жаўноў можа выбыць да канца года.
Пра гэта заявіў трэнер брамнікаў расійскага клуба Міхаіл Бірукоў. Жаўноў атрымаў пашкоджанне на пачатку матчу чэмпіянату Расіі з "Мардовіяй" у нядзелю і быў заменены.
Па словах Бірукова, у брамніка адбыўся адрыў сухажылля каля калена. Цяпер лекары праводзяць кансультацыі наконт аперацыі. Трэнер нагадаў, што футбаліст толькі-толькі аднавіўся пасля траўмы спіны, інфармуе "Прессбол" са спасылкай на "Радио Зенит".
Фота — fc-zenit.ru
