Браты Царнаевы збіраліся падарваць Таймс-Сквер у цэнтры Нью-Ёрка
З такой заявай выступіў мэр Нью-Ёрка Майкл Блумберг.
Па яго словах, якія перадае ВВС, Джахар Царнаеў, якога вінавацяць у датычнасці да выбухаў у Бостане, рыхтаваў са сваім братам выбухі ў Нью-Ёрку. Блумберг падкрэсліў, што гэтыя звесткі Царнаеў даў следчым, якія вядуць расследаванне.
Паведамляецца, што браты Царнаевы намерваліся падарваць бомбы на плошчы Таймс-Сквер.
Нагадаем, што Джахар Царнаеў цяпер знаходзіцца ў лякарні пасля атрыманых падчас арышту раненняў.
