Брэсцкі актывіст аспрэчвае свой прысуд за Народны сход
Намеснік старшыні Брэсцкай гарадской арганізацыі партыі левых “Справядлівы свет” Лявонцій Чыпурных быў асуджаны на 5 сутак арышту.
Такі прысуд яму вынес Маскоўскі суд Брэста. Актывіста затрымалі 3 кастрычніка ў часе збору подпісаў за Народны сход. З ізалятару Чыпурных выйшаў толькі пасля 18.00 8 кастрычніка — пасля заканчэння сходу.
Цяпер Лявонцій Чыпурных будзе аспрэчваць прыгавор у абласным судзе. Калі ж скаргу не задаволяць, ён пойдзе ў Вярхоўны суд і нават у міжнародныя арганізацыі, перадае Радыё Свабода.
