Брэсцкі велапракат прапануе адчуць сябе савецкім дачнікам (фота)
У асартыменце Вяслярнага каналу апроч спартовых ровараў з'явіліся і класічныя "Аисты".
Прадстаўленая мадэль без каробкі перадач і з нажным тормазам — самы распаўсюджаны ровар у СССР. За амаль 50 гадоў эксплуатацыі змены закранулі хіба толькі сядзенні — цяпер іх робяць больш мяккімі. Ва ўсім астатнім "улюбёнец дачнікаў і вяскоўцаў" захаваўся ранейшым.
Са словаў пракатчыкаў, 10 такіх ровараў прывезлі адносна нядаўна, таму пакуль цяжка казаць пра іх попыт сярод кліентаў.
