Брэсцкі журналіст заробіць меней за дворніка
Мясцовая абласная газета “Народная трыбуна” шукае сабе журналіста-аглядальніка, які пагодзіцца працаваць за 460 тысяч рублёў.
Прэтэндэнт мусіць мець вышэйшую адукацыю і трохгадовы стаж працы, а таксама бездакорна валодаць беларускай мовай.
Як сведчыць спіс вакансій на дошцы аб’яў Брэсцкага гарадскога Цэнтра занятасці, больш за аглядальніка заробяць нават вучань абутковага майстра (800 тысяч). Мыйшчык посуду можа прэтэндаваць на заробак ад 500 да 800 тысяч. Дворнік можа зарабіць да 600 тысяч беларускіх рублёў, памочнік выхавальніка ад 450 да 550 тысяч.
