Бронзавы Алексій ІІ згубіў свой посах
Помнік патрыярху Маскоўскаму і ўсяе Русі, што вось-вось паставяць у Віцебску, пазбаўлены сімвалу найвышэйшай пастырскай улады.
Усталяваць манумент хочуць на Успенскай горцы, побач з галоўным праваслаўным саборам Віцебшчыны. У гэтыя дні якраз ідзе падрыхтоўка да мантажу скульптуры. Яе збіраюцца паставіць крыху ўбаку ад іншай святыні — крыжа Ефрасінні Полацкай, пішуць “Народныя навіны Віцебска”.
Скульптура Алексія ІІ павінна была стаяць на сваім месцы ўжо 23 сакавіка, але цяпер узніклі праблемы з давядзеннем яе да ладу. Невядома, якім чынам помнік застаўся без гэтага элементу — быў гэта крадзеж ці бронзавы посах проста згубілі.
