БТ спадабаўся флэшмоб супраць прапаганды на БТ
Прэс-служба Белтэлерадыёкампаніі падзякавала арганізатарам флэшмоба за крэатыў: “Такая ўвага да дзяржаўнага тэлебачання каштоўная, як ніколі раней”.
На думку супрацоўнікаў прэс-службы БТ, нарэшце пачаў знаходзіць выйсце “творчы патэнцыял апазіцыйных актывістаў, нерэалізаваны падчас выбарчай кампаніі”:
“Гэта дае нам упэўненасць у тым, што праца журналістаў БТ нікога не пакідае абыякавым… У сваю чаргу, Белтэлерадыёкампанія яшчэ неаднаразова прапануе захапляльныя сюжэты і рэпартажы,
неабходныя для наступнага натхнення невядомых актывістаў апазіцыі”, ― адзначаецца ў паведамленні прэс-службы.
Асобную падзяку БТ выказвае “за бясплатны піяр кампаніі”.
