Бульба трапіла ў канфіскаваныя тавары (фота)
Незвычайны факт зафіксаваны ў Віцебску.
На дзвярах крамы канфіскату на вуліцы Леніна вісіць абвестка аб продажы бульбы. Ахвотныя могуць купіць бульбу ў мяхах па 30-35 кг. Каштуе "другі хлеб" 1400 рублёў за кілаграм, паведамляюць "Народныя навіны Віцебска".
Нагадаем, што сярод іншых незвычайных тавараў, якімі вызначыліся беларускія крамы канфіскату, раней былі эратычныя касцюмы і пахавальныя вянкі.
