Былы кіраўнік МВФ зноў стаў героем сэксуальнага скандалу
Дамініка Строс-Кана выклікалі ў паліцыю на допыт у рамках расследавання справы аб арганізацыі падпольнай сэксуальнай сеткі.
У справе фігуруе інфармацыя аб інтымных вечарынках і свінгер-клубах у Парыжы, Вашынгтоне і іншых гарадах, паведамляюць інфармагенцтвы.
Строс-Кан сышоў з пасады дырэктара Міжнароднага валютнага фонду ў траўні мінулага года, пасля таго, як яго абвінавацілі ў згвалтаванні пакаёўкі ў нью-ёркскім гатэлі. Сам ён адмаўляў сваю віну і справа ўрэшце рэшт развалілася.
У кастрычніку мінулага года імя экс-кіраўніка МВФ згадвалася ўжо ў сувязі з расследаваннем дзейнасці суценёрскай сеткі ў Бельгіі. Следчыя падкрэсліваюць, што ў новай справе яго роля “цалкам другасная”.
