“Чарадзейка” са Столінскага раёну здымала сурокі за 15 мільёнаў рублёў
Аб гэтым піша “Брэсцкая газета”.
38 гадовая жыхарка Столінскага раёну “выявіла” сурокі ў сваёй знаёмай брэстаўчанкі. Каб зняць праклён, “вядзьмарка” правяла некалькі сеансаў і выманіла ў сваёй ахвяры 15 мільёнаў рублёў, мабільнік і асабістыя рэчы. Аднак падман выкрыўся, справа была даведзена да суду, які прыгаварыў махлярку да 5 год пазбаўлення волі з канфіскацыяй маёмасці.
