Дар’я Домрачава атрымала срэбра ў спрынце
Беларуская біятланістка заняла другое месца ў гонцы трэцяга этапу Кубка свету ў аўстрыйскім Хохфільцэне.
Дыстанцыю 7,5 км спартсменка пераадолела за 20 хвілінаў 50,5 секунд з двума штрафнымі коламі. Яна на 13,9 секунды адстала ад расіянкі Вольгі Зайцавай і на 16,2 секунды апярэдзіла шведку Хэлену Экхольм, паведамляе БелаПАН.
У агульным заліку Кубка свету лідуе немка Магдалена Нойнэр, якая мае 307 ачкоў.
