На "Дажынках" у Маладзечне прайшоў карнавал з вазочкамі-трактарамі (фота)
У ім удзельнічалі каля 1300 чалавек.
Наперадзе калоны неслі знак "Дажынак" — вялікі вянок з хлебных каласоў. Сотня танцавальных параў удавала з сябе хлебнае поле.
Асаблівасцю шэсця стаў парад дзіцячых вазочкаў "Мой першы аўтамабіль". Вазочкі былі ператвораныя ў трактары і камбайны.
Заўтра па Маладзечне пройдзе моладзевае шэсце "Будучыня Беларусі". Абяцаюць, што ўпрыгожыць працэсію дзяўчына Ніва і каравай краіны.
