Донарам для былога кіраўніка "Масада" стаў памерлы беларус
Меір Даган дагэтуль знаходзіцца ў рэанімацыі, непрытомны і падлучаны да апарата штучнай вентыляцыі лёгкіх.
Але пра тое, ці была аперацыя паспяховай, меркаваць зарана. Па звестках газеты Timеs of Israel, апераваў Дагана французскі доктар габрэйскага паходжання Даніэль Азулай з парыжскага цэнтра транспланталогіі. Асістэнтамі хірурга былі ізраільскія і беларускія дактары.
“Комсомольская правда в Белоруссии” са спасылкай на іншае СМІ піша, што 67-гадовага Дагана аперавалі менавіта ў Беларусі, бо тут здолелі тэрмінова знайсці донара. Па звестках гэтай медыі, донарам стаў памерлы грамадзянін Беларусі.
Фота: www.ria.ru.
