ДТЗ у Мінску: кіроўца пераблытаў сігнал светлафору
Маршрутная таксоўка сутыкнулася з легкавіком “форд” на перакрыжаванні праспекта Машэрава і вуліцы Багдановіча.
Са словаў відавочцаў, кіроўца маршруткі рухаўся ў бок Нямігі на зялёнае святло. А кіроўца “форда” не заўважыў, што рухаецца ўжо на чырвоны сігнал. Ён немалады чалавек 1937 года і таму мог страціць пільнасць на дарозе. Пасля ён тлумачыў, што ехаў яшчэ на жоўтае святло.
У выніку здарэння тры пасажыркі з маршруткі з сур’ёзнымі траўмамі трапілі ў лякарню, паведамляе Беларускае тэлебачанне.
