Дзве брэстаўчанкі здзейснілі разбойны напад на мужчыну
Дзяўчаты (адной 24 гады, другой 21 год) збілі 47-гадовага сабутэльніка.
А 9 раніцы 13 ліпеня кампанія зладзіла пікнік на пустыры ў раёне вуліцы Я.Купалы. Пасля сумеснага спажывання спіртных напояў раптам пачалася сварка. Дзяўчаты ўдарылі мужчыну шкляной пляшкай па галаве. Пагражаючы яму фрагментам разбітай бутэлькі, разбойніцы адабралі ў сваёй ахвяры грошы, банкаўскую картку і дакументы, апавядае БелаПАН.
Мужчына звярнуўся ў міліцыю і дзяўчат затрымалі. Адна з іх раней ужо мела судзімасць.
