Дзяржава не можа правесці выбары — у скарбонцы засталося... 200 долараў
Такая катастрафічная сітуацыя склалася ў Зімбабвэ.
Пасля таго, як быў выплачаны заробак бюджэтнікам, у дзяржаўнай скарбонцы засталіся крыху больш за 200 долараў. Пра гэта журналістам паведаміў міністр фінансаў афрыканскай краіны. Ён выказаў меркаванне, што няма іншага выхаду, як звярнуцца па дапамогу да міжнароднай супольнасці.
Між тым, на правядзенне рэферэндума і прэзідэнцкіх выбараў неабходныя 104 мільёны долараў, інфармуе РІА "Новости".
