Экс-міліцыянта пасадзілі на 7 гадоў за атрыманне хабару
На такое пакаранне асуджаны былы намеснік начальніка Мазырскай калоніі (ПК-20).
Ён будзе адбываць тэрмін у калоніі ўзмоцненага рэжыму. Такі прысуд абвясціў Бабруйскі міжгарнізонны ваенны суд, перадае БелаПАН. Сам прысуд яшчэ не набыў законную моц і можа быць абскарджаны ці апратэставаны.
У крымінальнай справе экс-міліцыянты былі тры эпізоды. Адзін з іх — атрыманне хабару ў выглядзе аўтамабіля "Аўдзі". За гэты "падарунак" намеснік начальніка калоніі мусіў палепшыць умовы пакарання для некаторых асуджаных. У СМІ ў красавіку 2012 года паведамлялася, што аўтамабіль перадалі сваякі аднаго з чальцоў злачыннай групоўкі "пажарнікі".
Фота — pro-goroda.ru
