Фэст "Вольнае паветра" перанесены на канец жніўня
Пра гэта Еўрарадыё паведамілі арганізатары фэсту. Прычыны пераносу пакуль не называюцца.
Фэст меўся адбыцца 2 ліпеня на хутары Шаблі ў Валожынскім раёне. На ім запланаваныя выступы артыстаў з Беларусі, Літвы, Польшчы, Расіі, Сербіі ды Украіны.
Этна-фэст "Вольнае паветра" вядзе сваю гісторыю з 2006 года.
Нагадаем, што сёлета ўжо былі праблемы з фэстам "На траве", які таксама ладзіўся на хутары Шаблі. Улады запатрабавалі ад арганізатараў, каб яны атрымалі дазвол на масавае мерапрыемства.
