Фотафакт: кантрабандысты замаскавалі цыгарэты пад дровы
Полацкія памежнікі 2 лістапада натрапілі на некалькі соцень пачкаў цыгарэт, схаваных у адным з вагонаў грузавога цягніка.
Ён ехаў з Беларусі ў Латвію. Як піша "Комсомольская правда в Беларуси", памежнікі атрымалі "сігнал" і на станцыі ў Полацку правялі аперацыю сумесна з мытнікамі і міліцыянтамі. Цыгарэты былі раскладзеныя па паддонах, упакаваныя і абкладзеныя... дровамі. Гаспадара гэтай буйной партыі кантрабанды пакуль не знайшлі.
