ФПБ не пусціць у парламент прыхільнікаў санкцый ЕС
Федэрацыя прафсаюзаў Беларусі (ФПБ) зробіць усе намаганні, каб у парламент не трапілі тыя, хто выступае за байкот беларускіх тавараў.
Пра гэта старшыня ФПБ Леанід Козік заявіў на чарговым паседжанні прэзідыума савета арганізацыі, інфармуе БЕЛТА. На яго думку, нельга дапускаць да заканадаўчай дзейнасці палітыкаў, якія заклікалі да эканамічных санкцый у дачыненні Беларусі.
Федэрацыя прафсаюзаў Беларусі вылучае не меней за 300 чалавек у склад 110 акруговых камісій. Гэтак жа актыўна федэрацыя плануе ўдзельнічаць ва ўсіх этапах кампаніі, у тым ліку вылучаць сваіх кандыдатаў у дэпутаты.
