Глеб: у матчы з "Баварыяй" нам спатрэбіцца ўдача
Паўабаронца барысаўскага БАТЭ падзяліўся думкамі пра заўтрашні матч групавога раўнда футбольнай Лігі чэмпіёнаў.
"Будзем выкладвацца максімальна, — цытуе словы Аляксандра Глеба "Прессбол". — Мы выдатна ведаем, наколькі моцная "Баварыя". Але тым не менш БАТЭ не павінен закрыцца ў сваёй штрафной і гуляць ад абароны. Мюнхенцам патрэбная перамога, бо гэта можа даць ім магчымасць заняць першае месца [ў групе, апярэдзіўшы іспанскую "Валенсію"]... Галоўнае, выкарыстаць моманты, якія ў нас будуць каля чужой брамы. Таксама нам спатрэбіцца і ўдача".
Нагадаем, апошні матч сезона 2012 года барысаўчане правядуць у Мюнхене на "Альянц-Арэне" 5 снежня, пачатак у 22.45 па беларускім часе. Як вядома, БАТЭ ўжо заняў трэцяе месца ў групе і будзе далей гуляць у 1/16 фінала Лігі Еўропы.
Фота — uefa.com
