"Гомель" разграміў мінскае "Дынама"
У нядзелю прайшлі матчы 14-га тура чэмпіянату Беларусі па футболе ў вышэйшай лізе.
Барысаўскі БАТЭ на сваім полі разграміў магілёўскае "Дняпро" — 5:0. "Гомель" упэўнена выйграў у мінскага "Дынама" — 5:1. Адзначым, што на рахунку Ігара Стасевіча 2 забітых мяча (1 — з пенальці) і 3 галявых перадачы. "Шахцёр" у гасцях перамог "Віцебск" з лікам 2:0.
"Мінск" і брэсцкае "Дынама" згулялі ўнічыю 1:1, бабруйская "Белшына" і жодзінскае "Тарпеда-БелАЗ" таксама разыйшліся мірам — 2:2.
Гродзенскі "Нёман" выйграў у наваполацкага "Нафтана" — 4:2.
У БАТЭ цяпер 34 ачкі, у "Шахцёра" — 27, у "Нафтана" — 21.
