Гомельскі актывіст абвясціў сухую галадоўку
Уладзімір Кацора пратэстуе супраць затрымання на Народным сходзе.
Кацора быў затрыманы 8 кастрычніка прыблізна ў 12.00, калі накіроўваўся на сход. Затрыманых разам з Кацорам апазыцыянера Васіля Палякова і праваабаронцу Леаніда Судаленку адпусцілі. А на Кацору склалі пратакол за парушэнне парадку парвядзення масавага мерапрыемства. Да суда, гэта значыць да панядзелка 10 кастрычніка, Кацора будзе знаходзіцца ў ІЧУ. Актывіст на знак пратэсту супраць незаконнага затрымання аб'явіў сухую галадоўку, паведамляе БелаПАН.
