Хакейная “маладзёжка” выйграла таварыскі турнір у Аўстрыі
У вырашальным матчы 9 лістапада беларусы перайгралі гаспадароў турніру з мінімальным лікам 1:0.
Раней беларусы ў серыі булітаў перамаглі латышоў — 3:2, а затым былі мацнейшымі за датчанаў — 5:3, перадае БелаПАН.
Турнір Telfs Cup быў адным з апошніх этапаў падрыхтоўкі беларускай моладзевай зборнай да чэмпіянату свету ў групе А дывізіёна 1, які пройдзе ў снежні ў Францыі.
