Інфляцыя ў Беларусі запаволілася
З пачатку ліпеня яна склала толькі 3,1% да сярэдніх коштаў чэрвеня.
Па звестках Нацыянальнага статыстычнага камітэту, найбольш кошты раслі на жывую рыбу, ялавічыну першай катэгорыі, на піва, ювелірныя вырабы, а таксама медыкаменты і медычныя паслугі.
Найбольшы інфляцыйны ўсплёск сёлета быў у траўні. Тады па статыстыцы спажывецкія кошты падскочылі на 13,1% за месяц.
