Ірландскай пары вярнулі скрадзены 17 гадоў таму вясельны альбом
Альбом з фатаграфіямі нехта падкінуў да парога дома Найджэла і Джыліян Сцюарт.
Па словах сужэнцаў, у 1994 годзе ў іх скралі фургон, у якім у той момант і знаходзіўся фотаальбом. Пара ўжо не спадзявалася зноў убачыць зборнік сваіх вясельных фотакартак і была надзвычай здзіўленая тым, што здарылася, паведамляюць інфармагенцтвы.
Як адзначылі Сцюарт, яны хацелі б сустрэцца з тымі, хто вярнуў ім фотаальбом, нават у тым выпадку, калі гэта зрабілі выкрадальнікі фургона. Па словах Джыліян, сям'я ўжо не трымае крыўды на зламыснікаў.
