Івацэвіцкія падлеткі збілі 45-гадовага мужчыну
Як паведамляе прэсс-служба Брэсцкай абласной міліцыі, выпадак адбыўся яшчэ напрыканцы сакавіка.
Тады ў Івацэвіцкую лякарню звярнуўся 45-гадовы мужчына з пераломам рабра і пашкоджаннем лёгкага. Міліцыянты высветлілі, што пацярпелага збілі трое вучняў мясцовай сярэдняй школы, самаму малодшаму з якіх было 14 гадоў. Іх саўдзельнікам стаў 18-гадовы навучэнец ліцэя.
Следчы камітэт распачаў крымінальную справу.
