Івонка Сурвіла просіць Папу Рымскага ўмяшацца ў справу Каваленкі
З такой справай Старшыня Рады БНР звярнулася да апостальскага нунцыя ў Беларусі Клаўдзіа Гуджэроці.
Сурвіла просіць Святы пасад хадайнічаць за Сяргея Каваленку перад уладамі і, у прыватнасці, перад кіраўніком Беларусі, перадае Радыё "Свабода". Сурвіла апісвае сутнасць справы Каваленкі, ягоную працяглую галадоўку пратэсту, цяжкі стан здароўя і тое, што яму патрэбная тэрміновая шпіталізацыя.
Старшыня Рады БНР просіць апостальскага нунцыя разам са Святым Айцом умяшацца ў справу Каваленкі, каб уратаваць жыццё галадоўніка.
