Канцэрт Rockerjocker у Познані адменены
Супраць з'яўлення гурта на Днях культуры Беларусі выказаліся сябры ўплывовай партыі “Права і справядлівасць”.
Пад іх уплывам мясцовыя ўлады вырашылі спыніць фінансаванне фэсту. Гэта адбылося пасля таго, як палякі даведаліся пра песню Rockerjoker "Саня останется с нами", якая, па іх звестках, “стала гімнам прэзідэнцкай кампаніі Аляксандра Лукашэнкі”.
10 кастрычніка музыкі афіцыйна заявілі, што не супрацоўнічаюць з уладамі Беларусі, і песня групы была скарыстана для прэзідэнцкай кампаніі без згоды аўтараў. Аднак гэта не дапамагло.
Арганізатары Дзён культуры Беларусі пакуль не каментуюць рашэнне познаньскіх уладаў. Яны прызнаюць толькі тое, што ўносіць змены ў канцэрт позна, і яго давядзецца адмяніць.
