КДБ затрымаў у Брэсце "шпіёна"
28-гадовага брэстаўчаніна змясцілі ў следчы ізалятар.
Як паведамляе сайт КДБ, затрымалі яго брэсцкія кадэбісты разам з групай "Альфа". Брэстаўчанін нібыта спрабаваў збіраць інфармацыю на грамадзян Беларусі па заданні замежнай спецслужбы.
На мужчыну пачалі крымінальную справу за супрацоўніцтва з замежнай разведкай без прыкметаў здрады дзяржаве (артыкул 356 частка 1 Крымінальнага кодэксу). Яму пагражае да 2 гадоў пазбаўлення волі.
Дарэчы, гэты артыкул ужываецца ўпершыню, бо ён нядаўна ўнесены ў Крымінальны кодэкс.
Фота — ubaks.ru
