Хатнім катам і сабакам будуць ставіць чыпы
Такая норма ёсць у праекце закона “Аб абыходжанні з жывёламі”, які рыхтуецца ў Палаце прадстаўнікоў.
Сярод іншых навінаў — абмежаванне колькасці хатніх жывёл у кватэры. Іх можа быць не болей за дзве. Таксама абмежаванне ўводзіцца і для прыватных дамоў: не болей за два сабакі.
Новы законапраект рэгулюе і пытанні адлову бадзяжных жывёл і ўтрымання іх у пунктах прыёму. Цяпер тэрмін іх утрымання будзе 14 дзён (цяпер гэта 5-7 дзён). Калі за два тыдні каты і сабакі не знойдуць старых ці новых гаспадароў, іх усыпяць. Бадзяжных жывёл могуць перадаваць і пад апеку грамадскіх арганізацый, перадае БелаПАН.
