The Killers прэзентуюць свежы сінгл (слухаць)
Пасля чатырохгадовага перапынку гурт рыхтуецца да рэлізу новага альбома.
Прэм’ера сінгла “Runaways” была запланаваная на сёння (10 ліпеня 2012), аднак трэк усё ж з'явіўся на шматлікіх інтэрнэт-рэсурсах, да афіцыйнай прэм’еры.
Слухаць тут:
“Runaways” ужо паспеў атрымаць безліч вельмі станоўчых водгукаў, і можна чакаць, што гэта будзе адно з самых гучных вяртанняў у 2012 годзе.
Трэк цалкам адпавядае класічным канонам музыкі Killers – тут у наяўнасці энергічны біт, гітарны грукат і характэрны вакал Брэндана Флаўэрса. Рэсурс Gigwise адзначае што, гучанне “Runaways” падобнае на сольны альбом фронтмэна The Killers “Flamingo” і знаходзіць у трэку нешта ад глэм-рока 80-х.
Сінгл “Runaways” стане часткай чацвёртага студыйнага альбома гурта, “Battle Born”, які павінен выйсці ўжо гэтай восенню.
Трэйлер альбома:
