Кіраўнік МЗС Польшчы: Лукашэнка абраў шлях Мілошавіча і Бен Алі
Міністр замежных справаў Польшчы Радаслаў Сікорскі працягвае завочную палеміку з беларускімі ўладамі.
"Беларускі рэжым, які ставіцца да сваіх грамадзянаў як да закладнікаў, можа, на жаль, пачаць новыя рэпрэсіі супраць польскай меншасці", — заявіў Сікорскі ў інтэрв'ю інтэрнэт-парталу fakt.pl.
"Мы прапаноўвалі Лукашэнку шлях генерала Ярузельскага — гэта значыць дыктатара, які паварочвае сваю краіну да дэмакратыі. Ён абраў шлях Мілошавіча, Бен Алі або Наджыбулы", — адзначыў Сікорскі.
