Кіраўнік Нацбанка: Прадпрымальнікаў валютай падтрымліваць не будзем
Пётр Пракаповіч паабяцаў адмяніць абмежаванні для банкаў па куплі валюты на біржы. Ён лічыць, што ажыятажны попыт насельніцтва скончыўся.
"Ніякіх пытанняў у часткі насельніцтва быць не павінна: мы не мяняем правілы куплі/продажу валюты, мы не мяняем умовы, не ўводзім ніякіх валютных абмежаванняў. І ніякіх новых валютных абмежаванняў у бліжэйшы час не будзе. Мы, наадварот, сёння-заўтра прымем рашэнне аб зняцці нашых абмежаванняў па рэзерваванні сродкаў для куплі валюты", — заявіў старшыня Нацбанка БЕЛТА.
"Зараз ажыятажны попыт насельніцтва скончыўся, насельніцтва супакоілася, але зараз валюту бяруць яшчэ і прадпрымальнікі. Аднак прадпрымальнікаў мы падтрымліваць не будзем", — падкрэсліў Пракаповіч.
