Кіраўніка бабруйскай філіі АГП арыштавалі на 10 сутак
Віктара Бузінаева асудзілі за арганізацыю Народнага сходу і ўзялі пад варту ў зале суда.
Бузінаеў уваходзіў у аргкамітэт Народнага сходу, які прайшоў 8 кастрычніка. На судзе яго абвінавацілі ў "арганізацыі і ўдзеле ў несанкцыяванай акцыі".
Дарэчы, па тым жа артыкуле чакаюць суда яшчэ двое бабруйчан. Гэта старшыня аргкамітэта "Народнага сходу" Канстанцін Локцеў і актывістка АГП Галіна Смірнова. Яе, між іншага, будуць судзіць 9 лістапада.
