Кіраўнікі абаронных ведамстваў сямі краін АДКБ сустрэнуцца заўтра у Мінску
Міністры абароны Беларусі, Арменіі, Казахстана, Кыргызстана, Расіі, Таджыкістана і Узбекістана возьмуць удзел у пасяджэнні Савета міністраў абароны краін АДКБ.
Як паведаміла прэс-служба Мінабароны Беларусі, удзельнікі сустрэчы абмяркуюць прыярытэтныя кірункі дзейнасці АДКБ, а таксама ход рэалізацыі рашэнняў, прынятых на сесіі Савета калектыўнай бяспекі Арганізацыі Дагавора аб калектыўнай бяспецы ў снежні 2010 года.
Нагадаем, ключавым пытаннем, якое абмяркоўвалася на апошняй сесіі, было ўдасканаленне механізму рэагавання на крызісныя сітуацыі, паведамляе БелаПАН.
