Кіроўца на машыне пратараніў натоўп, а пасля кінуўся пад цягнік
Трагічнае здарэнне адбылося ў Архангельскай вобласці Расіі.
Праязджаючы пасёлак, 22-гадовы кіроўца ВАЗ-2108 не саўладаў з кіраваннем і пратараніў групу людзей, якія ішлі ўздоўж дарогі. У выніку, пацярпелі пяць чалавек, а сярод іх двое дзяцей.
Як паведамляе РІА "Новости", малады чалавек выйшаў з аўтамабіля і пабег да чыгункі, дзе кінуўся пад цягнік Масква — Варкута.
