Кітайцы пакаштуюць беларускую згушчонку
“Глыбоцкі малочнакансервавы камбінат” ўжо рыхтуе кантракт на экспарт сваёй прадукцыі ў Кітай.
Беларусы завязалі дзелавыя стасункі з кітайцамі падчас штогадовай міжнароднай выставы ў горадзе Харбін. У Харбіне жыве больш людзей, чым ва ўсёй Беларусі — 10,6 мільёна чалавек.
Паводле намесніка дырэктара камбіната Сяргея Сталяронка, якога цытуе газета “Віцебскі рабочы”, асабліва даспадобы кітайцам прыйшлося беларускае сухое малако.
На сённяшні дзень прадукцыя глыбоцкага прадпрыемства прадаецца ў 15 краінаў свету.
Фота — bymedia.net
