КХП БНФ не дазволілі правесці акцыю ў Мінску
Мітынг мусіў прайсці 25 сакавіка ў Кіеўскім скверы сталіцы.
"Напісана, што ў нашай заяўцы недастаткова прапісана, якім чынам мы будзем арганізоўваць меры бяспекі", — кажа намеснік старшыні партыі Юрась Беленькі. Таму ён раіць сябрам і прыхільнікам КХП БНФ арганізоўваць на Дзень Волі канцэрты, сустрэчы, наведваць памятныя месцы.
На плошчу Бангалор, на якой Мінгарвыканкам дазволіў апазіцыянерам правесці мітынг, партыйцы ісці адмаўляюцца, бо лічаць гэтае месца "зняважлівым", паведамляе Радыё Свабода.
Фота — bymedia.net
