Кобрынцы будуць дамагацца разблакавання руху ў цэнтры горада
Заторы там пачалі ўзнікаць пасля пазалеташніх “Дажынак”.
Тады да прыезду Аляксандра Лукашэнкі цэнтральную плошчу Кобрына закрылі для аўтамабіляў, ды так і пакінулі чыста пешаходнай. Транспарт пусцілі прылеглымі вуліцамі. Але яны занадта вузкія і не спраўляюцца з наплывам аўто.
“У першую чаргу мы правялі грамадскія слуханні. Цяпер збіраем ініцыятыўную групу, сфармулюем і накіруем уладам калектыўны зварот. Ёсць відавочнае рашэнне гэтай праблемы, але мы хочам, каб да абмеркавання далучыліся як мага больш людзей. Бо ўжо пісалі простыя грамадзяне скаргі. Але атрымлівалі не адказы, а адпіскі”, — патлумачыў ветэран дэмакратычнага руху Алесь Мех.
