Конкурс на арганізацыю Басовішча распачнецца днямі
Пра гэта ў размове з Еўрарадыё паведаміў прэс-сакратар Міністэрства адміністрацыі Польшчы Артур Казёлак.
Казёлак: "Рашэнне пра абвяшчэнне конкурсу і прызначэнне на фестываль 90 000 злотых старшыня МАЦ падпісаў 25 студзеня. Конкурс павінен быць абвешчаны на днях. Тыя суб’екты, якія захочуць удзельнічаць у конкурсе, будуць удзельнічаць. А той, хто выйграе, будзе арганізоўваць фестываль".
Нагадаем, правядзенне 23-га фэсту беларускай музыкі “Басовішча” сёлета апынулася пад пагрозай. Польскае Міністэрства адміністрацыі, якое фінансуе нацыянальныя меншасці, не выдаткавала грошы на папулярны рок-фестываль. Прычына ў тым, што арганізатары фэсту аддалі кепскую фінансавую справаздачу за мінулы год.
