Крызіс з грэчкай — "плён" інтэграцыі?
Грэчкавы крызіс у Беларусі, звязаны з ростам коштаў на крупы, стаў вынікам аналагічнага крызісу ў Расіі.
Такое меркаванне выказаў 11 сакавіка ІА REX сябра сталай камісіі Савета Рэспублікі НС РБ па эканоміцы, бюджэце і фінансах Андрэй Дзюжаў.
На яго думку, рост коштаў на грэчку ў Беларусі з'яўляецца толькі "люстэркавым адбіткам" таго, што адбываецца сёння з цэнамі на гэты прадукт у Расіі.
Акрамя таго, лічыць парламентары, гэты даступны прыклад паказвае, што адзіная эканамічная прастора паступова пачынае дзейнічаць. "Дзеля справядлівасці трэба заўважыць, што падобная сітуацыя ў нас і па іншых прадуктах, бо гаспадарчыя сувязі ў нас з Расіяй сёння вельмі шчыльныя", — адзначыў Дзюжаў.
