ЛГБТ-актывісты заўтра ў Мінску правядуць шэсце
Яно пройдзе, нягледзячы на забарону ўладаў.
Першапачаткова ЛГБТ-актывісты збіраліся правесці шэсце пад Мінскам у Соснах. Аднак Мінгарвыканкам адмовіў ім у яго правядзенні. У сувязі з гэтым месца і час заўтрашняга шэсця не паведамляецца. Аб гэтым кожны з удзельнікаў будзе паінфармаваны асабіста.
Шэсце стане адным з заключных мерапрыемстваў “Гей-прайду”, які працягваецца ў Мінску ўжо тыдзень. У яго межах у сталіцы прайшоў шэраг мерапрыемстваў, накіраваных на азнаямленне з субкультурай сэксуальных меншасцяў.
