Лукашэнка чакае, што ў Беларусь прыйдзе глабальны эканамічны крызіс
Такія засцярогі ён выказаў сёння на сустрэчы з губернатарам Наўгародскай вобласці Расіі Сяргеем Міціным.
Беларускі лідар мяркуе, што разам з Расіяй можна пераадолець гэты крызіс з мінімальнымі стратамі. Паводле Аляксандра Лукашэнкі, Беларусь мае вялікую патрэбу ў расійскіх рэсурсах. “І калі мы сапраўды створым роўныя ўмовы, як гэта піша прэм’ер-міністр Расіі ў сваім артыкуле аб інтэграцыі, вы можаце лічыць беларусаў навечна сваімі людзьмі”, — цытуе кіраўніка краіны БелаПАН.
